Ka Mawlynnong, ka shnong kaba lait na ka tdem

Shillong, 23 Jymmang:
Nalor ba ka la ioh ia ka nam kum ka shnong kaba khuid tam ha dewbah Asia, shen ka Mawlyn nong kan sa ioh pat sa ia ka nam kum ka shnong kaba nyngkong tam ha ka thaiñ shatei Lam mihngi kaba lait na ka tdem bad ia kane yn sa pynbna shen da kaba ai khusnam ia ka. Ia katei ka nam ka Maw lynnong kan ioh naba kumba ka long mynta baroh khoit ki nongshong shnong katei ka shnong kim pyndonkam shuh ban thang da ki dieng iap ban shet jingshet hynrei ha manla ki thliew ing ki la pyndonkam da ka lyer buiam ban shet jingshet (LPG).
Ki nongshong shnong katei ka shnong ki la lah ban pyndonkam da ka LPG lyngba ka sienjam ba ka Indian Oil Corporation ka la shim kumno ban kyntiew ia ka shnong. Ka IOC ka la leit ban sam ei sha ki tyndoing lyer shet sha manla ki thliew ing ha katei ka shnong bad ka la sam ruh ia ki Stove Gas ba ki paidbah katei ka shnong kin pyndonkam ban shet jingshet.Lah ban kdew ba kham mynshuwa ki paidbah katei ka shnong ki shet jingshet da kaba thang da ki diengiap.
Lah ruh ban kdew ba shuwa ia ka Mawlynnong ka shnong Vyachakurahalli kaba don ha Karnataka ka dei ka shnong kaba la ioh ia ka nam kum ka shnong ba nyngkong tam ha India ban lait na ka tdem. Katkum ka jingtip ba la ioh na ka IOC la ong ba ka jylla Meghalaya ka duna bha ban shet jingshet da ka lyer shet ha kaba kiba pyndonkam lyer shet ki don tang 22 na ka shispah.