Khrong pisa ki pulit na ki trok kit mar

Jowai, 18 Jymmang:
Mynta ka sngi ki pulit ha East Jaintia Hills ki la khrong pisa be-ain na ki trok kitmar kitmata kiba iaid ha u surok bah NH 44.
Kane ka la jia ha jan kawei ka Petrol Pump kaba don ha Tahkhniang kaba hap hapoh u pud u sam ka shnong Tuberkmai shnong.
U heh jong ki uba dei u ar khlur lane kyrdan Sub-Inspector u dang bun kam ban jurip ia ki kot ki sla ki kali kamai da kaba shong hapoh kaliGypsy katba ki briew jong u pat ki dang bunkam ban kiew halor trok, ban pynsangeh ia ki trok ban ban ai khublei kti ruh bad ki driver ban ioh kheit ruh ia ki lut shispah kiba shongdor 100, 200 bad lai spah tyngka shisien pajut kti bad ki driver trok kiba sbun. La bun bnai ki pulit ka rilum Jaintia kim shym la shlan shun ban leh ia kane ka kam kaba i lehrain ban peit da ki riew paidbah, hynrei imat kane ka la sdang hiang mynta. Kane ka jinglum pisa na ki trok ka la pynlong ia ki driver trok kiba na Assam ban pyrshah jur. Ha ka 12 bad 13 tarik ki la mut ruh ban pynlong ka ka strike hynrei ki la sangeh noh hadien ba ki SP ki la shimkhia.