Prokram iada khynnah ha Mawsynram

Shillong, 17 Jymmang:
Ka Khasi Cultural & Social Service Society kala pynkut noh ia ka prokram ai jingshai sha ki paidbah halor ka hok ba iada ia ki khynnah kab ala long ha Mawsynram bad ha katei ka prokram la wan ban ia shim bynta da ki ophisar ki tnad sorkar bapher bapher bad ka kongsan ha katei ka sngi ka dei ka kong Sandra Rnga Deputy Director ka tnad Social Welfare .
La plie ia katei ka prokramda u bah Banshai Marbaniang Director jong ka KCSSS, ki paidbah ba la poi sha katei ka jingialang ki kynthup ia ki khynah skul, ki Anganwadi, ki nongkitkam Shnong bad kiwei kiwei ruh kumjuh kaba la kot sha ka 500 ngut eiei. Kum u nongkren lamphang ha katei ka prokram u bah Marbaniang u la ong ba ka jingthmu kaba kongsan hi kadei kum shi bynta ban iada iaka hok jongki khynnah kiba shem jynjar haka jingim jong ki ba manla ka sngi.
Ka Kong Sandra ka la ong ba ka jingshah ban beiñ bad thombor jong ki khyllung khynnah la i kumba ka dang jur bad dang kharoi kat dang mih ki sngi ki por. Ka la ong ruh ba la dei ban khang noh shi syndon ia ki channel kiba pyni Ia ki prokram kiba ktah ia ka jingmut jingpyrkhat ki khyllung khynnah haba ki peit. Ka la ong ruh ba hapoh India don kumba 33 Million ngut ki heprit bad napdeng kitei 9 Million ki dei ki khunswet. Ka la kren ba bunsien ka jingeh ka mih namar bym don ka jingiatreilang hapdeng ka kmie u kpa bad ki khun. Kiba bun ki nongkren ha katei ka jingialang ki la kren ia ka phang jong ka jingshah ban bein ki khynah bad kumno ban iada ia ka hok jong ki.