Khlad noh u rangbah shnong ka Umtrew

Nongpoh, 15 Jymmang:
Uwei na ki nong ialam ba hakhmat eh ka thain Ri Bhoi District, u la khlad noh mynta ka sngi, hadien ba ka jing pang ka la bat ia u kham slem, ha kaba u la ieh noh ia la ka kurim bad ki lai ngut ki khun.
Kum u nongialam u Bah Davidson Kharnaior, uba dei u General Secretary jong ka Confederation of Ri Bhoi People (CoRP), sengkmie bad ha ka juh ka por u dei ruh u Rangbah shnong ka shnong Umtrew, bad u rangbah balang ka Balang Catholic Umtrew.
Kum u nongialam u Bah David Kharnaior, u dei shisha u nongialam u ba kit ia ka khia ka shon jong ka shnon ka thaw bad ia ka thain hi baroh kawei, u long ruh u nongialam uba trei hok ia la ka kamram kaba la bynshet ha u, khamtam eh u ruh u briew uba kloi ban iarap na ka bynta jong kito kiba kup shilliang sem shilliang.
Kumta ka jingpyndep ia ka lehniam lehrukom bad ka jingleit on tep ia Bah David Kharnaior, kan long ha ka 17 tarik mynta u bnai ha ka por 12 baje noh phasing, ha u lum jingtep ka Balang Catholic Umtrew.