ïoh khusnam Florence Nightingale ka Nos na Wahiajer

Jowai, 12 Jymmang:
Ka kong Santee Shylla ka dei kawei na ki 35 ngut ki Nos ANM ha ri India kaba la ioh pdiang ia ka khusnam National Florence Nightingale Award na u President ka Ri. Ka kong Santee ka dei kaba trei ha Wahiajer Sub-Centre bad ka dei tang ma ka na kane ka jylla kaba la ioh ia katei ka khusnam.
Ka kong Santee ka la ioh pdiang ia katei ka khusnam ha ka jingialang sam khusnam kaba la long mynta ka sngi ha Rash trapati Bhavan ha ka sngi kynmaw burom ia ka sngi ki Nos ne ka International Nurse Day kaba la sam khusnam sha ki 35 ngut ki Nos ka ri India.
Ka jingioh ka kong Santee ia katei ka khusnam ka dei kaba la mynjur da ka tnad ka koit ka khiah kum ka jingithuh ia ka jingtrei shitom jong ka ha ka kam, baroh ki nos kiba la ioh ia katei ka khusnam ki la ioh ryngkat ka song pisa kaba T.50 hajar tyngka marwei ryngkat ki syrnod kumjuh ki medal.