Shah kem 3 tylli ki trok kit palat pud

Jowai, 9 Jymmang:
U SP ka West Jaintia hills, u la ioh kurup hi da lade haduh 3 tylli ki trok kiba kit dewiong be-ain khlem ki Transits Challan bad nalor ba ki kit haduh palat 25 ton u dewiong ban shallan be-ain na Meghalaya sha Assam.
Kitei ki trok kiba la shah kem bad kiba dang don mynta ha Phramer Traffic Cell ki dei kiba don ia ki Nombor ML04B-1725, ML10-8088 bad ka trok AS01CC-9553.
Ki pulit ki la register mukotduma pyrshah ia kitei ki trok.
Ka tyllong khubor ka la iathuh ruh ba ki nongkhaii dewiong ki la kit palat pud bha mynta da kaba pyndonkam ia ki buit ba har rukom. Ki kit palat pud, ki iaid ruh khlem Challan da ka jingiarap jong ki Dalai ban pyllait ia ki ha Umling Weighbridge nalor ba ki pyndonkam da ki kali Pick Up ban kit haduh 3 ton u dewiong shi pick-up tang ban lait over load ha Umling Weighbridge.
La iathuh ba ynda shwa ban poi ha Umling ki u dewiong uba palat ia ka 9 ton ha ki 3 lane 4 tylli ki Kali Pick Up bad ki trok ki iaid tang 9 ton ban thew bad hadien ba la dep thew na kitei ki pick up la thep biang ha katei ka trok bad u dewiong uba shallan sha Assam u poi haduh 25 ton shi trok khlem da siew khajna sha ka sorkar.