Shillong, 2 Jymmang:
Ia ka kynhun pulit ialeh lehnoh ka Special Force-10 (SF-10) yn pyndonkam noh da ka sorkar hadien ba ki la pyndep ia ka jingshah hikai jongki. Ia kine ki SF-10 la hikai ba kin lah ban iakhun ia ki lehnoh wat ha ka por mynmiet ruh.
Haba ai mynsiem ia kine ki SF-10 Commando, u Director General of Police (DGP) u Rajiv Mehta mynta ka sngi u la ong ba ki SF-10 Commando kin long ki riew ialeh ba la pynbiang bad ki tiar ba biang ha ki khlaw bad ban lah ban pyndonkam ha baroh ki jait ba ki iakynduh wat ha ka por slap ruh.
U DGP u la maitphang ia ka Operation Hillstorm 3 kaba ki pulit ki dang pyntreikam ha Garo Hills.
U la ong ba yn sa phah shuh ia ki commando sha Garo Hills ban pynjur ia ka jingkhynra ia ki lehnoh ha kine ki lai ne hynriew bnai ban wan.
“Kiba la shah hikai bha bad tbit ki SF-10 Commandos kin leit sha Garo Hills ban iarap ia ki pulit ha ka jingkhynra ia ki lehnoh ha lum Durama”, la ong u Mehta.U DGP da lade u pynlong ia ka jingbishar ia kine ki SF-10 bad ban jur ia ka jingdonkam ban don ka bor jabieng kaba khlain bad ka bor met ban iakhun ia ka jinglong ka mariang khamtam ha ka por mynmiet.
Phi don ban ong eiei?