Hap leh Affidavit ki samla pule ba aplai Scholarship

Shillong,2 Jymmang:
Kiba bun na ki samla pule kiba aplai Scholarship na ka sorkar kham tam kito kiba dei na nong kyndong ki la pynpaw ka jingbym sngew hun namar ba la pynbun kam ia ki da kaba phah ban leh Affidavit ban pyni ia ka jingioh ki kmie ki kpa jong ki. Ka jingeh ba ki samla pule ki ia ia kynduh ka long ba ki hap ban leit wad nongiasaid aiñ ban thoh ia ka Affidavit jong ki ha kaba ki hap ruh ban siew pisa sha ki.
Katkum ka jingioh lum jingtip u nongthohkhubor la ong ba ia katei ka Affidavit ki samla pule kihap ban sdang naduh u snem 2014 hynrei hapdeng kat katei ka jingpynbunkamruh kaba kila pynlut pisa ban iaid sharumshaneng hynrei haduh mynta kim pat shymla ioh ia ka Scholarship jong ki. Ki la iathuh ba haba kileh Affidavit ki hap ban pynlut pisa kumba T.200 tyngka bad nalor nangta kito kiba wan na nongkyndong ki hap ban lut sa ka bai lynti bad ka baibam bai dih ym tang ialade marwei hynrei kumjuh ruh ia kiwei pat ki paralok kiba pynithuh nongsaid aiñ ia ki.
Lah ban kdew ba shuwa u 2013 ki samla pule kiba aplai Scholarship kim donkam ban leh Affidavit kumba long mynta hynrei ki shu phah ban soi ki nongmihkhmat jong ki ban pyni ia ka jingioh ki . Hynrei ha ka jingiakren bad katto katne ngut ki nongiasaid aiñ ki la iathuh ba ka kam don jingeh eiei ia ki khynnah pule ban phah leh affidavit namarba da ka jingleh Affidavit kan iathuh hok ia ka jingioh ki kmie ki kpa jong ki.