Khot ia ka Social Welfare halor ka thombor kynthei

Shillong, 02 Jymmang:
Ka Committee on Women Empower (WEC) ka Iing dorbar thawain ka la khot hajir ia ki heh ka tnad Social Welfare ka jylla ba kan pynshai haduh bad kumno ka la iaid bad ka la leh ia ka jingshah thombor jong ki kynthei khamtam ka jingbat bor bad kiwei ki kam.
Haba iakren bad u chairman kane ka committee, u Bah TW Chyne mynta ka sngi, u la ong, “Ngi la khot hajir ia ki ophisar ka tnad Social Welfare ba kin pynshai bad batai kumno ki la leh ha kaba iadei bad ki kam thombor bad shah banbein jong ki kynthei ha kane ka jylla”.
U la ong ba nalor ki kam thombor ia ki kynthei ba la jia ha kylleng ka jylla, ka jingkhot hajir ia ki, ka long kumno ki la iarap ia ki bad ki skhim ba ki la don ban iarap ia ki kynthei shi bynta ban pynkup bor ia ki.
Ka komiti kan bthah ruh ia kane ka tnad sorkar ba kan shim lad ia ki lad ki lynti ban pynthikna ba ki kynthei kim dei ban shah ban bein hynrei dei ban ai ia ka jingiarap jingkyrshan ia ki ban pynkup bor ha ka imlang sahlang bad ki ioh ka kot jongki.