Shah siat iap 8 ngut ki nongbylla ha Nongalbibra

Shillong, 24 Jylliew:
Hynnin ka miet ka sngi u Blei, phra ngut ki nongbylla ki la shah siat iap ha kawei ka shnong ba tih dew iong ha South Garo hills district. Ki pulit ki la ong ba kitei ki nongbylla sngi ki dei kiba trei ha ka par dewiong ha ka thain Nongalbibra.
U Inspector General (Western Range) u Bah H Nongpluh u la ong ba ka jingjia ka long ha ka miet sngi u Blei bad ia ka jingtip ba bniah, ki dang ap ba kumno kitei ki nongbylla ki shah siat iap. Katei ka jaka ka long kaba jynjar bha, namar ba ka surok ruh kaba sniew bha.
U Myntri Rangbah ka jylla u Dr Mukul Sangma u la pynrem jur ia kane ka jingjia bad u la ong ba kito kiba donkti kin sa shah trei ha ka ain khlem jingmap satia.
Ki pulit ki la kam ba ka jingshah siat iap jong kitei ki nongbylla kam don ei ei ka jingiasnoh bad ka jingjia ha Tura ha ka sngi Thohdieng bad la suba jur ba ka jingshah siat ka dei namar ba kitei ki nongbylla ki ioh pisa bun bha bad na kata ka daw, ki lehnoh ki lah ban donkti ha katei ka jingjia.
Ki pulit ki la ong ba ki bor synshar district ki la shim ia ki lad ki lynti bad ki heh pulit ki la leit bran bran sha katei ka jaka ban pynlong ia ka jingthwet.
Kane ka jingshah siat iap jong kitei ki nongbylla ka long shi taiew ba la jia ka jingshah pyniap jong ar ngut ki nongbylla Muslim ha ki paidbhur hadien ba la kynnoh ba ki thmu ban batbor ia kawei ka kynnah ba don jingduna ha Tura.
Kane ka jingjia ha Tura ka la pynher syrngiew ia ki nongbylla bar jylla ha ka thain Tura haduh ba ki la mih noh ban leit phai sha ki shnong jong ki.