Bteng khynra ka Excise ha kylleng ka nongbah

Shillong, 29 Iaiong:
Shi bynta ban teh lakam ia ki kam sinew kiba har rukom kiba mih na ka kyiad, mynta ka sngi, ka kynhun jong ka Excise Enforcement Branch Office treikam u Commissioner of Excise, Shillong ka la pynlong biang ia ka jingleit khynra kaba kyndit ha ki katto katne ki bynta jong ka nongbah Shillong kaba ka khaii pateng ka thnem bha.
Kawei na ki bynta jong ka nongbah kaba ka kynhun jong ka tnad Excise ka la leit jurip nyngkong haka thain Iewshyllong, hynrei hangne la ioh ban bat tang ia kawei ka nongdie bad kurup khyndiat bilor ka kyiad phareng IMFL.
Hadien kane, kane ka kynhun jong ka tnad Excise, ka la hiar sha ka thain Polo bad hangne la ioh kurup na ki ar tylli ki dukan, kiba die be-ain ia ka kyiad. Ha kane ka janmiet, ka kyiad phareng IMFL kaba la ioh kurup baroh ka long 50 ltr, bad ka Beer, 30 ltr bad kane ka kyiad baroh ka shong dor kumba T. 35 hajar tyngka.