“Sa katno kan long haduh ba kut kine ki jingphylla?”

AIS SUJA

“Sa katno kan long haduh kaba kut jong kine ki jingphylla”?Daniel 12:6.Kine ki long ki kyntien ba la kylli
da uwei napdeng ki arngut ki angel ia kaba u angel jong u Blei u la kylli ia u Jisu.Wat lada u angel u long na bneng,hynrei um tip pat ia ki jingjia ki ban sajia ha ka pyrthei, kumta u la kylli na u Jisu ia kane ka jingkylli haneng.Ia kata ka jingshisha,ka bible ka iathuh ba wat ki angel ha bneng ruh kim tip ia ka por ka ban sa jia” Mathaios 24:36.
Kane ka jingiakren kalong hapdeng u Jisu bad ki arngut ki angel bad u Daniel,katba u Daniel u dang ieng harud jong kawah Tigris. Wat sngewphylla ba ha ka por ba u Jisu u la iakren bad u Daniel harud ka wah Tigris,ha kato ka por ia u Jisu ympat kha sha ka pyrthei, um pat wan longbriew ha ka doh,hynrei u la wanpaw ha ka met ba kynja mynsiem (Spiritual body) harud wah Tigris.U Daniel u la iohi ba u Jisu u kup da ki jain Linen bani.ha kata ka por u Daniel u iohsngew ia ka jingiakren hapdeng ki arngut ki angel bad u Jisu.Hooid ym pat kha ia u Jisu,um pat wan long briew sha ka pyrthei,hynrei namar ba u long u khun u Blei kumta u la paw ha u Daniel ban iathuhlypa sha ka pyrthei ia kiei kiei kiban sa jia halor ka pyrthei.
Lehse don ki ban kylli jingkylli,haba kumta mano ba heh ka rta hapdeng u Jisu bad u Daniel,namar haba ym pat kha ia u Jisu,u Jisu u la don lypa habneng ban ia u Daniel ha pyrthei ka bible ka iathuh ia ka jingshisha ba u Jisu u la don lypa ha bneng naduh myn nyngkong. “Ha kaba mynnyngkong u la don U KTIEN bad uta U KTIEN u la don bad u BLEI bad uta u KTIEN u la long U BLEI bad uta u KTIEN u la long U BLEI.UNE U LA DON HA KABA MYNNYNGKONG BAD U BLEI”. In the beginning was the WORD and the WORD was with GOD and the WORD was GOD.HE WAS WITH GOD IN THE BEGINNING” Ioannis 1:1-2.
U Jisu u la don ha bneng naduh myn nyngkong, haba ym pat kha wat ia u Daniel ruh.Na bymjukut ha bymjukut u Jisu u long u Trai u Blei.U long u Blei uba iathuh ia kaba kut naduh kaba sdang”. Isaiah 46:10.
Te halor kane ka jingkylli,ki angel ia u Jisu,ha kaba u Daniel ruh u iohsngew,u Jisu u la jubab da kaba ong- “Kan long shipor,ki por bad ka shiteng”.It will be FOR A TIME,TIMES and HALF A TIME”.Daniel 12:7 kaba mut ka jingkren kaba dei shaphang KI POR KI SNGI BA KHADDUH (End times) kiba mynta bad shakhmat (Today and the near future).
Kan long shipor,ki por bad ka Shiteng (for a time,times and half a times).Kane ka thew ia ki laisnem shiteng (3 ½ snem) ne 42 bnai ne 1260 sngi.Kane ka laisnem shiteng kadei kaba ar ia kaba la tip kum ki 42 bnai ne 1260 sngi jong ki 7 snem ne “Shitaiew bakhadduh” Daniel 9:27.
Katkum ka kitab Jingpynpaw,U Blei u la pynpaw ia kata ka por ka jingwan mih ka kulai ba bthuh,ka duwan,ka sngi,u bnai,ki khlur bad ka long ka por jingbitar u Blei.Jingpynpaw 6:7-8,6:12-17,kiba long napdeng ki 7 jingpyndait (seventh seals)hapoh kata ka por ki jingjynjar ha pyrthei.
Kine baroh ki wan hap hapoh kita ki 42 bnai ne 1260 sngi bad ki 30 sngi kein,Daniel 12:11.Ka long ka por synshar u Mrad khlaw bad ba yn pyniap khambun ki Jiw ban ia kato ka por synshar u Hitler.kan long ka por ba bun bah ki Jiw kin pdiang ruh ia u Jisu kum u Trai jong ki ne kum u Messaiah ia uba ki dang ap khmih haduh mynta.Kan long ka por trei donbor u ksuid u soitan Lucifer hashwa ba kaba kut jong u kan wan .Kan long ka por jingjynjar tam ia kaba u Jisu u iathuh ha u Mathaios 24:21. “Naba hangta ka kordit bah kan long ka byjmpat ju long naduh myndang long ka pyrthei……lymne kan ym long shuh ruh”. Mathaios 24:21.
Ha ka jingshisha,u Daniel u dang kwah ban tip shibun kiei kiei bad u Jisu.Hynrei u Jisu u ong ha u Daniel“Ko Daniel,to tap ia ki ktien,to pyndait la ha ia ka kitab haduh ka por jong kiba kut kein”.Daniel,closeup and seal the WORD of the scroll UNTIL THE TIMES OF THE END”Daniel 12:4.
Hapoh kine ki 42 bnai ne 1260 sngi bad 30 sngi ki ban sa jia,bun bah kiban kylla bamut bad kiba ialeh pyrshah ruh ia u khrist.Bun ruh napdeng ki Jiw bad ha ka pyrthei kin phai sha u Blei,sha u Messiah hapdeng ki por ka jingjynjar bah (Great Tribulation).
Ki dak ki paw ha ka pyrthei ka mariang mynta tangba ym don ba tip ia ka por hynrei kaba ngi tip ka long ba u Blei u ong ha ka ktien jong u “Suk uta uba pule bad kiba iohsngew ia ki ktien jong kane ka jingiathuhlypa,kiba sumar ia kita kiei kiei ba la thoh ha ka .NAMAR KATA KA IA KA LA JAN” The time is near.
Jingpyn 1:3.Amen.