Ka dorbar kyrpang ki khlieh nongsynshar

Shillong, 24 Jylliew:
Ka Dorbar Ki Khlieh Nongsynshar Ka Ri Hynniewtrep, Federation of Khasi States, Ka Dorbar Ki Dolloi, Ki Sirdarship, bad Council of Nokmas, kan ia kynduh bad ki Dolloi, Lyngdoh, Pator, Rangbah Kur, bad ki dkhot Dorbar Elaka, ki Rangbah Shnong, ki Longkmie, Samla, ki Elaka Dolloi bad Sirdarship, ka thain Jaintia Hills ha ka 26 tarik Jylliew(sngi Iaw Musiang) ha ka por 11 baje mynstep hapoh office Village Court, Elaka Jowai, Loompyrdi, Iongpiah, Jowai.
Ki phang kiba kyr kieh ban ia phylliew jingmut, bad ban ia syllok, ki long halor ka shithi na ka tnat kam poh iing jong ka sorkar India, kaba la phah sha u Chief Secretary, Meghalaya, kaba pan jingmut halor ka dorkhas, ba la phah da ka Dorbar sha ki bor Sorkar India ha U Jylliew 2012.
La pynbeit ruh ban ban pynlong ia ka Dorbar kaba kyrpang ha ka 13tarik Nailar 2013, hapoh Khasi National Dorbar Hall, por 11 baje ban kynmaw ka jingdap 65 snem ka jingsoi bad mynjur ka Sorkar India ia ka Instrument of Accession & Annexed Agreement ha 17 tarik Nailar 1948.