Jowai, 24 Jylliew:
Ka Jaintia Youth Federation East Jaintia Hills, hapoh ka jingialam jong u President Niwasly Rymbai ka la leit khynra ia ki ba bun ki Restaurant kiba don naduh Mukhep, Ladrymbai bad Khliehriat ha ka 19tarik Jylliew 2013, ka la ioh ban kem shibun ka kiad ba ki ia die beain, kiba don ha Ladrymbai katkum ba ki iathuh bad phla hakhmat jong ki nongialam jong ka seng.
Ka Seng na ka por sha ka por ka la thoh shithi sha ki bor ba halor ban tuklar halor ka jinglong jingman jong ka ne ka thain kaba la jyllei sa tang ki dukan kiad be-ain ha baroh shilynter u surok NH-44 u ba long ka daw ban ktik ia ki jingmut jingpyrkhat jong ki khun samla, khynnah skul bad wat ki kynthei khynnah ruh ban ngop lang ha ka ne ka apot jong ka jingsniew ha ka imlang ka sahlang bad ki shnong ki thaw pynpaw u Samla Niwasly Rymbai ha ki lad pathai khubor.
Shuh shuh na ka liang jong ka JYF-EJH ka pynpaw ia ka jingbynniaw halor ka jingjyllei palat ki dukan kiad be-ain ha East Jaintia Hills District, kam banse shuh khlem da shim ia ka ne ka bynta ka ba bha ha ryngkat ka jingiatreilang bad ka tnad Excise ban khynra bad kem beit ia ki nongdie be-ain namar ngi la sngewthait ia ka jingbein jingkynnoh palat ki briew ba ha East Jaintia Hills ka ain ka kylla khongpong lut namar ba jur than ka jingtuklar ki heh spah ki bay m don shuh ka jingpyrkhat ia ka lawei ki khun ki kti jong ki tang ban ioh kamai spah jot ki long ing long sem ruh biang ong u Samla Niwasly Rymbai President ka JYF-EJH.
Phi don ban ong eiei?