Shong dum ki shnong Riwar ba jah ka ding MeCEL

Shillong, 26 Iaiong:
Ka thain Riwar ki shnong ba don ha khappud bad ka Bangladesh, ki la shong dum la kumta shi taiew eiei mynta naduh ba la wan syllad ka eriong haduh ba ka ding ka MeCEL ruh ka la jah lang.
Ki briew na thain Riwar Pynursla ki la pyntip sha u nongthoh khubor ba kim shym la ioh ding la palat taiew ha katei ka thain haduh ba la hap ban shu thang da ka mombati.
Katkum ka jingiathuh jong ki paidbah, ki shnong ba shah ktah na ka jingjah ka ding MeCEL ki kynthup ka Lapalang, Nongthymmai, Mawryngkang, Mawshun, Umsyiem, Pyrdiwah, Lyngkhat, Pomshutia, Wahkdait bad kiwei ki shnong.
Ki paidbah ki la pynpaw ia ka jingsngew lynga namar ka jingbym don ding haduh ba la pynduhkam pynduhjam ia ki khamtam kiba don karkhana bad kiwei ki kam ba hap ban ai jingbam ne ai bor da ka ding.
Katkum ka jingiathuh jong ki paidbah, ka ding MeCEL ka la dep jah la palat taiew eiei mynta bad ka jingjah slem ka ding ka pyni ba ka MeCEL imat kam shym la shim khia ia ki jaka nongkyndong namar ba ha sor ka ding kam ju lip slem kumba long sha nongkyndong.Ki la kyntu ia ka bor MeCEL ba kan shim khia ban pynmeh ding noh wut wut sha katei ka thain khnang ban pynshai biang ia ka jingdum ha katei ka thain.Ha kawei ka liang, ka shnong Mawlai Mawiong ka la shong dum ar sngi ar miet kynthih na ka daw ka jingbym shimkha ka MeECL ban pynpoi thikna ia ka ding, kaba la jia naduh ka miet sngi Saitjain haduh mynta janmiet sngi lah sngi u Blei, kane ka jingleh ka MeECL ka la pynbitar shi katdei ia ki paidbah nongshong shnong jong ka Mawlai Mawiong namar ka jinglip bording ka jia khah khah ha katei ka shnong jan man ka sngi.