Pyniasoh NPP, u heh Congres ha Mendipathar

Shillong, 25 Iaiong:
U heh nong ialam ka Congress uba dei ruh u myntri sorkar barim u Fran kestein Momin u la pyniasoh ialade bad ki nongkyrshan bad ka NPP ha ka jingialang kaba la long mynta ka sngi ha Mendi pathar ka North Garo Hills.
Ia u Momin bad da ki spah ngut ki nong kyrshan ka Congress, la pdiang da ki nongialam ka NPP ba la don lang u Conrad K Sangma uba dei u kyrtong ha kane ka elekshon MP shiteng samoi na Tura.
Nalor u Momin, ki nongialam ka Nationalist Congress Party (NCP) hapoh ka jingialam u Jepherson Marak bad u Dabo M Marak ki la iasoh bad ka NPP ha kane ka jingialang paidbah.
U Frankenstein Momin haba kren ha kane ka sngi, u la pynpaw ia ka jingsngew skhem hapoh ka jingialam u Conrad kum u samla ban rah ia ka NPP bad dei na kata ka daw, u la iasoh bad kane ka party da kaba phet noh na ka Congress kaba leh donbor.