Ia kynduh Lat ka HSPDP, namar ka kam Parliamentary Secretary

Shillong,7 Iaiong:
Mynta ka nohphai sngi ka HSPDP ka la leit ban ia kynduh ia u Lat ka jylla u V.Shan mugana than ban ia kren bad u halor ka kam Parliamentary Secretary ha ka sorkar jylla. Ha katei ka jing iakynduh ka HSPDP ka la ai da ka jingthoh sha u Lat ka jylla bad ka la ieng ruh halor ka nongrim jong ka Article 164 Clause I bad ka la ong ba katei ka jingdon ki Parliamentary Secretary kaba haduh 18 ngut ha kane ka jylla ka long pyrshah ia katei ka Article kaba la pynmih ia ka aiñ ba dei ban pynrit noh ia ka jingdon ki myntri sorkar sha ka 12 ngut, namarba ki Parliamentary Secretary ruh ki hap hapoh ka kyrdan jong ki myntri sorkar.