Bitar ka HNYF-WR ba shah kem 2 ki Khasi ha ki pulit Assam

Shillong, 21 Jylliew:
Ka HNYF-Western Region ka sngew bitar jur hadien ba ar ngut ki tymmen na ka thain Langpih ki la shah kem ha ki pulit Assam.
Ka HNY-WR ka la kynnoh ba kane ka la jia namar ba ka sorkar Meghalaya kam shym la shim khia ban pynbeit ia u pud u sam bad ka Assam.
Kine ki tymmen ar ngut kila shah kemla tip kyrteng Bah Endro Lyngdoh Mawnai bad u Bah Wendro Lyngdoh Mawnai kiba ka don hapdeng ka 60-70 snem bad ki la shah rah mynta ha ka Boko Police Station hadien mynta pat ki don ha Central jail ha Assam (Guwahati) bad ia kine ki tymmen la pyn ngat ia ki ha ki ain bapher bapher la kum ki nongtuh nonglute hynrei ka jingshisha ki dei tang ki nongrep
Ka HNYF-WR ka kyntu jur ia ka sorkar Meghalaya ban shim khia halor kane ka kam namar ba kim dei ban shu kular tang ha ki por elekshon. Kine ki tymmen nalor ki dei ki briew kiba duk namar kim kot bor ban ioh jamin na ka sorkar Assam, la ong ka HNYF-WR.
Ka HNYF Western Region ka iaroh ia u MLA ka Rambrai u Bah K P Paniang ba ula shim khia halor kane ka jingjia bad ia ki MDC kiba la ia kren ha KHADC ban ia kren ia kren ia kane ka jingjia.