Wer ka Seng Khasi sha ka Shad Suk Mynsiem

Shillong, 03 Iaiong:
Ka Seng Khasi (Kmie) Mawkhar Shillong, kan pynlong ïaka Shad Suk Mynsiem ka jong ka ha ki lai sngi lynter kata ha ka 9, 10 bad ka 11tarik mynta u Bnai Iaiong, ha Lympung Weiking, Jaïaw, Shillong.
U kyrwoh na ka seng ka pynpaw ba ha kine ki lai sngi, la khmih lynti ba  da ki hajar ki nongshad kynthei bad shynrang, lem bad ki phew hajar u paidbah, kin wan naka bynta ba kin ïashim bynta bad ruh ban khmih ïa kane ka shad ainguh aidem.
Kumta, ka Seng Khasi  Seng Kmie ka wer ïa ki para kur ki para kha, ka tnat jong ka Seng Khasi bad kumjuh naka Seiñ Raij ba dang bat dang snoh hala ka jong ka ñiam tynrai ba kin ïawan ban ïashim bynta sha kane ka shad ainguh aidem kaba shi sien shi snem.