Ba ieng ka ingmane blei ha Them Metor, pan jingshai U MDC na u CEM

Shillong, 1Iaiong:
U Bah Pyniaid Sing Syiem, MDC ka Sohryngkham Constituency, u la pan jingpynshai na ka Khasi Hills Autonomous District Council (KHADC) halor ka jing pyntrei ia ka Gurudwara ne ka iingmane blei kaba don ha Harijan Colony ne Them Metor kaba dang iaid shaid shaid mynta. Ha ka dorkhas ba la aiti sha u Bah Pynshngaiñ N. Syiem, Chief Executive Member (CEM) ka Khasi Hills Autonomous District Council (KHADC) u Bah Pyniaid Sing Syiem u la pan jingpynshai hato ka KHADC ka la ai jingbit ne-em lyngba ka No Objection Certificate (NoC) ia ka jingpyntrei ba dang iaid mynta shaid shaid ia kane ka Gurudwara ha Them Metor. Lah ban kdew ba ka jingpyntrei ia katei ka ing mane blei mynta ka dang iaid shaid shaid ha kaba la iohi ia ki paia kiba heh ba heh ba la pynieng nongrim ha katei ka jaka.