Lah ban duh kyrdan ST kiba kylla Khristan

Shillong, 30 Lber:
U nongpan RTI u Bah Disparsing Rani ha kane ka sngi Balang u la ong ba ki trai shnong jong kane ka jylla Meghalaya kiba ju ioh kyrdan Scheduled Tribe (ST) ki lah ban duh noh ia kane ka kyrdan khamtam kito kiba la kylla Khristan.
Haba kren mynta ka sngi sha ki nongthoh khubor u Bah Disparsing Rani u la ong ba ki don ki jingeh ba la iakynduh ki riewlum ka South India ha kaba ka Kashari ka la iuh kjat ban tuklar ba ki riewlum kiba la kylla niam Khristan kiba pdiang ia ka niam Khristan kim lah shuh ban kam ba ki dei ki Scheduled Tribe.
U Bah Rani u la ong ba lada kane kan wan jia ha kane ka jylla Megha laya, ki trai shnong kiba la kylla Khristan hangne ruh kin shah ha kajuh ka apot namar ba ha kane ka jylla, ki Khristan ki dei ki heh paid. U la ong ruh ba ka kam kaba iadei bad ka jinglong rit paid ka dang sahteng ha ka kashari ban rai la ki riewlum kiba la kylla Khristan ki dang lah ne em ban kam kum ki rit paid ne scheduled tribe.
U la ong ba ka 8 tarik Jylliew, 2015, ka shithi na ka tnad Tribal Affairs ka la phah sha ka sorkar Nagaland, Mizoram bad Meghalaya, kaba ong ba ki riewlum ki lah ban ngeit ha kano kano ka niam katkum ka jingmon jongki.