Die phom pulit tang ia ki ABSI bad ki Commando

Shillong, 30 Lber:
Ka District Selection Committee jong ka South West Khasi Hills District, ka pyntip ba ki don ki kam Assistant Teacher ha ka Maths bad ka Science ha ki UP School, ha kaba ki don ar tylli kitei ki kam bad kiba kwah ia katei ka kam, ki dei ban pyndep B.Sc bad sa 2 snem ka Diploma ha ka Elementary Education. Nangta ka don ruh ka kam Asstt Teacher in Arts ha ki UP School bad ki dei ban long kiba la pyndep BA bad sa ar snem ka Diploma ha ka Elementary Education. La pyntip ba ka por ban ioh thep kyrteng, ka dei naduh ka 4 haduh ka 8tarik Iaiong 2016.
Na ka liang ka tnat pulit pat, ka pyntip shuh shuh, ba ka jingdie ia ki phom, kaba shongdor T.50 kawei, kan long tang na ka bynta kito kiba tyrwa ia ka kam SF-10 ABSI bad SF-10 Commando Group bad kaba la sdang naduh ka 30tarik Lber 2016. La iathuh shuh shuh ba ka jingdie ia kiwei pat ki phom,  kan sa iaid tad, ynda haba ka tnat kam poh iing kan pynbeit ia ki kyndon jong katei ka jingthungkam, ong ka kyrwoh na U Bah BL Buam, IPS, Chairman Central Recruitment Board, Meghalaya, Shillong.
Ha kawei pat ka khubor, ka ophis jong ka District Selection Committee, West Khasi Hills, Nongstoin, ka pyntip ba ka don ka kam Pump Operator bad uba kwah, u dei ban long uba la pyndep Class XII, nangta sa ka kam Handyman, da uba pass Class VI bad sa ka kam Soil & Water Conservationist Demonstrator, da uba la pass HSLC/SSLC bad kitei ki dei ban trei ha ka Training Institute ha Byrnihat bad ki dei ban thep kyrteng haduh ka 27tarik Iaiong 2016.