Pyrshah ban dang pyntrei ia ka surok Amlarem Pdengshakap

Jowai, 20 Jylliew:
Mynta ka sngi, la pynlong ia ka jingialang jong ka KSU Amlarem Circle, ha iing dorbar Pdengshakap, ha ka jingia donlang da baroh ki rangbah shnong bad Secretary School kumjuh ruh ki riew rangbah jong ka Elaka Satpator, U President ka Synjuk ki Rang bah Shnong bad ka Synjuk ki 20 Shnong, ha kaba la ia kren ia ka jinglong jingman jong ka surok na Amlarem sha Pdeng shakap.
Ha ka jingialang la pyniaid da u Vice-President ka KSU Amlarem Circle, ha kaba la iarai lang baroh u paidbah ba la dei ban pynsangeh shwa ia ka jingtrei jong une u surok namar la shu trei tang dep rukom. Ka durbar ka la rai ruh lada ha kane ka rukom ki paidbah kim banse ban mih shakhmat na ka bynta ka jingbha jingmiat jong ka thain namar kumba long ia kane ka surok la trei naduh u snem 2010 bad haduh mynta ruh tang uwei u maw salin, ym pat iohi.
Namar ka jingsniew palat jong kane ka surok ka jingialang da kawei ka jingmut ka dawa mardor ia ka tnat ba dei peit ban pyndap noh ia ki thliew ki syar kiba la palat liam kiba don ha une u surok haduh la i saitmet, ha kaba ym i dei shuh ka surok kali, hynrei ladei ban khot ka surok hati. Te na ka jingshitom palat u paidbah jong kane ka thain khamtam ha ka pang ka shitom ki paidbah ha ryngkat ka KSU Amlarem Circle kim banse ban shim da ka sienjam kaba tyngeh ban pynsangeh noh shisyndon ia ki nongtrei jong u Contractor.
Khatduh ka seng lem bad u paidbah ka Elaka ka pyrshah jur lada ka jingtrei ia une u surok ka dang bteng, tat haduh bala dep pynbeit bad ka tnat ba dei peit kane ka long kat kum ka kyrwoh ba la phah da u General Secretary ka Amlarem Circle U AB Pamkshang.