Pyrshah ki 7 shnong ban aiti ia ka Nongtalang PHC sha ki NGO

Amlarem, 28 Lber:
Ki 7 shnong kiba don sawdong jong ka Nongtalang CHC ha ka jingialang ba ki la lum kyrkieh ki la pyrshah jur ia ka jingthmu jong ka Sorkar ban aiti noh ia ka Nongtalang CHC sha ki NGOs, bad ki la ong ba kito kiba la trei hangto ki la trei hok ia la ka kam naduh u Doktor u ba la don haduh ki nongtrei ruh kumjuh ki pyndep hok ia la ka kamram ba la bynshet ha ki.
Kumta na ka liang jong ki Rangbah shnong jong kine ki 7 shnong ki la ong ba ka Nongtalang CHC da shisha ka la long ka Hospital kaba la shakri hok ia u duk u suk ,u kup shiliang sem shiliang da ki bun phew phew snem mynta. Bad mynta lei lei ki don ka jingkhmih lynti ba la ioh ban shim da u Doktor uba kit khlieh ia ka kam kum M.H.O In- Charge bad na ka liang ki Rangbah bad ki paidbah kumjuh ki thrang bha ban iohi bad peit ia ki kam babha jong u tei u Doktor I/C mynta. Na ka liang jong kine ki 7shnong ki la ong shuh shuh kaba donkam mynta ia ka Nongtalang CHC ka long ban phah sa tang u wei u Doktor bad ki nos.