Lashai yn plie dur Kiang Nangbah ka AJYWO

Shillong, 27Lber:
Ka AJYWO Central Body ha ryngkat ka jing iatreilang bad ka Ophis jong U Deputy Commissioner, East Jaiñtia Hills District, kan plie paidbah lashai ka sngi ka 29 tarik u Lber ia u Mot Dur sah jingkynmaw ia U Kiang Nangbah u Khlawait Nong ialeh Laitluid ba khraw tam jong ka Ri Jaiñtia, ha ka New DC’s Office Campus Khliehriat East, ha ka por, 11.30 mynstep.
Ha katei ka sngi ba plie paidbah ia utei u Mot Dur jong u Kiang Nangbah, u Ma Justine Dkhar, MLA Parliamentary Secretary bad u Ma Hopeful Bamon, MLA, Chairman, Meghalaya Transport Corporation jong ka sorkar Meghalaya kin long kum ki Kongsan lem bad U Bah W.R Lyngdoh, IAS, Deputy Commissioner, EJHD bad U Bah A. Andrew Shullai, Deputy Chief Executive Member, JHADC kum ki Symbud kongsan. Ha katei ka sngi yn pynphuh pynphieng ai ka jingialang da kiba bun bah kijingpynbyrngia kynthup ka put ka tem na ki kynhun tem ka Pipe Band na Shillong.