10 hajar ki longiing baduk, ki ioh ding na ka RGGVY

Shillong, 25 Lber:
Ki don haduh 10, 55, 04 tylli kit num iing baduk kiba la ioh ding na ka skhim RGGVY ha ka jylla, la ong ka sorkar haduh mynta bad na ki 1694 tylli ki shnong ha ka jylla kiba la ioh jing myntoi na kane ka skhim ka sorkar pdeng.
Ka sorkar ka la shim bai ding ruh na ki 84,012 tylli ki tnum iing kiba la ioh ding katba kiba dang sah dang pynkhreh ban shna bai thang ding.
Ki don 1843 tylli ki shnong ha ka jylla ki bym pat ioh ding kiba la ioh ding bad ki don sa 2949 tylli kiba la don hapdeng ban ioh ding noh namar ba la dep ia ki kam ki jam, la ong ka sorkar.
La pyni ruh ia ka jingpynlut ba pyntreikam ia kane ka skhim ha man ki district ba kynthup ia ka Jaintia Hills T. 3117.24 lak, Ri-Bhoi T. 2061.26 lak, East Khasi Hills T. 2066.61 lak, South Garo Hills T. 7088.56 lak, West Garo Hills T.12073.58 lak, East Garo Hills T. 8161.05 lak, bad West Khasi Hills T. 4902.06 lak.
Ia kane la skhim la thmu ban pynkut noh ha ki district ba kynthup ia ka East Khasi Hills, Jaintia Hills, Ri-Bhoi, West Khasi Hills, bad ka West Garo Hills namar ba la dep ban pynbiang ia ki baroh ki jingdonkam.