Pluh ka ing ha Mawpat, julor palat T.15 lak

Shillong, 25 Lber:
Ha ka por shiteng miet mynta ka miet ka la don ka jingjia pluh ing ha ka shnong Mawpat bad ha katei ka jingjia ka jing julor ka la kot sha ka T.15 lak tyngka tam. Katei ka jingjia la iathuh ba ka la jia ha ka por 1 baje dang step phyrngap mynta ka sngi thohdieng. Katkum ka jingioh lum jingtip la ong ba ka jingjia pluh ing ka la sdang na ka jingpluh jong kawei ka karkhana dieng bad ka la kem ding sa ha ka ing kaba marjan. Ha katei ka jingjia kam shym la don kano kano ka jingmynsaw briew. Haduh ba thoh ia kane ka khubor la ong ba ym shym la tip ia ka daw jong ka jingkem ding ka karkhana ot dieng bad haduh mynta ka jingtohkit ka dang iaid ban lap ia ka daw.
Katei ka ing la ong ba ka dei kaba shong basah u Sashi Gurung bad ka jingjia ka la jia ha ka por ba ym shym don mano mano ruh hapoh katei ka ing, hynrei la lah ban tem ia ka na ka jingkloi ki para marjan ban beh sha katei ka jaka. Kham hadien la wan poi sa 6 tylli ki kali pynlip ding, ka la don ka jingsuba ba ka jingkem ding ka lah ban dei na ka daw ka jingthud ka bor ilektrik.