Shah kem saw tylli ki trok ba kit dewiong na krem

Jowai, 23 Lber:
Ki pulit ka West Jaintia hills ki la ioh ban kem saw tylli ki trok ha ka por ba ki dang wan kit dewiong na krem dewiong ka thain Sohkymphor lyngba u Surok Shang pung-Byrwai. Ia kitei ki trok la ioh kem na Khlieh rangnah Shangpung mynta ka sngi ha ka por ba ki pulit ki dang khynra ia ka jingtih dewiong be-aiñ ha West Jaintia Hills. Kitei ki trok ba la shah kem ha ki pulit ki kynthup ia ka trok ML 04 4339 ha ryngkat u driver u Emon Lyngdoh na Sohkymphor, ML04 A 6823 bad u driver, u ma Tiplang Rabon na Muthlong, ML 04 B 9697 uba niah da u ma Mewan Suchiang na Shangpung bad ka trok ML04 7903 ba la niah da u Kular Papiah na Muthlong. Ki pulit ki la register kes pyrshah ia ki trai kali bad driver halor kane ka jingdonkti jong ki ban kit tuh ia u dewiong da kaba pynkhien ruh ia ka hukum ka NGT. Ki pulit k dang tohkit ruh ban lap sa ia ki trai par dewiong