Rai ka kynhun myntri, ban ia kren ia ar tylli ki bill ha ing Dorbar

Shillong, 17 Lber: Ka kynhun myn tri sorkar kaba la ia kynduh mynta ka janmiet ka la shim ia ka rai ban wanrah ia ka mat ia kren halor ki artylli ki Bill ha Ing dorbar Thaw-aiñ ka sorkar jylla. Kitei ki ar tylli ki Bill ki dei ka Meghalaya (Benami Transactions Prohibition) Amendment Bill 2016 bad ka Megha laya Tenants, Verification and Regulation Bill 2016. Ka kynhun myntri ka la rai ba ia kitei ki Bill yn ia kren janai bha hapoh Ing Dorbar.

Lah ban kdew ba kitei ki ar tylli ki Bill ki dei kiba ki 13 sengbhalang ki kwah ba ka sorkar kan pyntreikam noh khnang ba kan don ka jingpyrkhing ia ki bar jylla ne ki mynder kiba wan rung be-aiñ sha kane ka jylla. Katkum ka jingkwah ki Sengbhalang ka long ba kino kino ki briew kiba wan sha kane ka jylla ban bylla sngi ne kiwei pat ki kam lane kiba wan sah wai ki donkam ban don ki kot ki sla kiba biang kiba yn pynthikna ia ki kot ki sla jong ki da ki pulit. Lah ruh ban pynkynmaw ba ki sengbhalang ki ban jur ia ki MLA ka Liang pyrshah ba kin kyrshan ia katei ka bill.