Kawang bom ki snar GNLA, ia ki pulit hajan Dalu

Shillong, 17 Jylliew:
Mynta ka janmiet, ki snar ehrang jong ka Garo National Liberation Army (GNLA), ki la kawang da u bom uba khlain, ha ka kynhun jong ki pulit, ba la ialam da U SR Marak, uba dei Officer-in-Charge ka thanat pulit kaba ha Dalu.
Hynnin ka miet Sngi U Blei ruh, ka GNLA, ka la leit hiar thma ia ka thanat ki pulit ha William nagar, kaba don ha East Garo Hills. Ka jingbthei bom, ka dei ha ka por 11.40baje mynmiet.
Hadien ba ki pulit, ki la kawang ia u utei u bom, u bym shym la bthei satia, ka la mih ka jing ia siat hapdeng ki pulit bad kitei ki kaikhlaw GNLA. La iathuh ba kitei ki lehnoh, ki don jingmut ban leit sha kawei ka iew, kaba don hangtei hajan, na ka bynta ban dawa pisa, na uwei na ki heh spah nongkhaii dewiong.
“Ka dei ka jinglait da ka said, ba u bom, um shym la bthei” ong ki lad khubor pulit. Haduh mynta, ym iioh jingtip, ban don kano kano ka jingduh na kano kano ka liang.