Shah kem uba donkti pyniap ia u draibar

Jowai, 10 Lber:
Uwei u Thomas Jones Ryngkhlem uba dei na ka shnong Wapungskur u la shah kem mynta ka sngi na Kongong, Wapung shnong, East Jaintia Hills ha ki pulit ka nongbah Jowai hadien ka jingsuba jur ba udei u wei na ki ba ha khmat eh uba donkti ban pyniap ia uwei u driver Tourist Taxi ha u bnai Nohprah u snem ba la dep.
Ki Pulit ka Nongbah Jowai kila thwet jur ia utei u briew hadien ba ki la ioh ia ki sabut ba udei ma u uba la ialam ia ka kynhun ban rahbor ia ka kali bad pyniap ia u driver ka tourist taxi ML04C 1062 (Alto 800) na Stand War, Jowai ia uba la tip kyrteng kum u Sorki Bang uba dei naka shnong Mustem.
Kumban shu pyn kynmaw, ha ka 21 tarik Nohprah u snem ba la dep, 3 ngut ki briew bym lah ban ithuh ki la shim wai ia katei ka kali na Jowai bad ki la rah bor ia u driver ha ryngkat katei ka kali sha Assam. Ki la pyniap ia u driver bad bret ia ka met ha Kalain bad hadien katta, ki pulit ka Kamrimganj pat ki la ioh bat ia katei ka kali hadien ba ki briew jong ka SBI ki la ujor sha ki pulit ha katei ka Karimganj namar ba katei ka kali ka dang don ha ka ram jong ka SBI.
Ki pulit Assam ki la ioh kem ruh ia u wei u Emi Nongpluh uba dei na ka shnong Mustem. Dei lyngba ka jingtohkit ki pulit ba ki la iohkem ia u Thomas Jones Ryngkhlem mynta ka sngi hadien ka jingtwet kaba la katto katne bnai.