144CrPc ia ki kali heh ha Sohra

Shillong, 10 Lber:
U Sub Divisional Magistrate, Sohra Civil Sub Division, Sohra u la pynjari sa ka section 144CrPC kaba la khang pyrshah ia baroh ki kali heh kiba kit jingkit kiba khia kumki maw bad kiwei pat ki tiar khia ban iaid ia ka surok Sohra-Shillong naduh ka por 6 baje mynstep haduh 6 baje janmiet , katei ka hukum kan dei ia kiba na Shillong ban hiar sha Sohra bad kumjuh kiba kiew ban leit sha Shillong.
Ia katei ka hukum la pynmih hadien ba katei ka ophis ka la ioh jingtip ba ki kali heh kiba kit khia palat ia ka 9 ton kumki maw ki iaid lynti na Ichamati ban kiew sha Shillong lyngba ka surok PWD ha ka por mynsngi bad ka jingthud kitei ki kali ha shiteng lynti ka pynmih pynban ia ka jingthud ha ka leit ka wan u paidbah khamtam eh ka buh jingma ia ki nongwan jngohkai pyrthei kiba shang kylleng ka Sohra. Katei ka hukum kan treikam naduh ba mih kane ka khubor bad kan treikam haduh 6 bnai tad haduh ban da pynmih da kawei ka hukum.