Plie jaka pynieng kali pynkhreh Synod, U Bah Lapang

Shillong, 9 Lber:
Tang shisngi u bah D.D Lapang u la pynlut por ban plie haduh san hynriew jaka ki jingai jingiarap jong u sha ki paidbah.
Ha ka sngi hat majai jong ka taiew u bah Lapang u la hiar sha Ri-Bhoi sha konstitwensi jong u ban plie nyngkong eh ia ka sem ap kali ha ka shnong Mawphru,nangta u la plie ia ka jaka ai jinghikai ia ki longkmie kaba la tip kum ka Vocational Training of Women kaba u la pynioh na ka SRWP Scheme 2013-2014, nangta u la leit ban plie sa ia ka jaka pynieng kali kaba la shna kyrpang na ka bynta ka Synod ka ban long ha ka taiew ba lai ha ka balang Presbyterian, Mawphru, la plie sa ia ka surok kaba don ha Mawphru, Mathan na ka BTRRS 2013-2014 kaba hap hapoh ka Umling C&RD Block bad u la ai jingiarap pisa ruh sha ka balang bad ka kynhun rwai kwaiar jong ka Balang Mawphru.
Haba kren ha katei ka sngi u bah Lapang u la iaroh ia baroh kitnad sorkar ha Ri-Bhoi namar ka jingshimjong ki ia ka jingkitkhlieh ban iarap ia ka Mawphru na ka bynta ba kan pynkhreh ia ka jingiaseng Synod, u la iaroh ruh ia ki paidbah ka konstitwensi jong u kiba ia trei ryngkat ryngkat bad ki tnad sorkar.
Ha katei ka sngi la don lang ki ophisar na ki tnad sorkar bapher bapher kynthup u bah D.Hynniewta, Project Director, DRDA, Nongpoh, u bah D.D.Umdor, E.E.PHE, Nongpoh Division, u R.Pde, Asst. Executive Engineer, MeECL, u bah R.Kharpan, J.E, PWD, Nongpoh Division, u bah R.Kharbihkhiew, BDO, Umling C&RD Blockbad u bah R.Sutnga, SDO, PWD Nongpoh Division.
Ha katei ka sngi la donlang ruh ki riew rangbah na katei ka thaiñ ba kynthup ia u bah C.B.Syiem, CEM barim ka KHADC, u bah RR Kynsai Makdoh, CEMbarim ka KHADC, u bah Min Makri, Chairman Umling C&RD Block, u bah M.B.Syiem, Political Secretary jong u bah D.D.Lapang, u bah Plielad Tiewsoh, u bah S.Shylla, Rangbah shnong ka Mawphru bad ki paidbah nongshong shnong ka Mawphru bad ki shnong ba marjan jong ka.