Ka sorkar hi na ka por sha ka por ka ju pynshlur ia ki khun samla ba kin shim ia ka kabu na ka jing itynnad ka mariang ha kane ka jylla da kaba shna pyn itynnad ia ki jaka jngohkai bad shna ruh ia ki ingbasa ki jaka sah ia ki nongwan jngohkai pyrthei hala ki jong ki shnong kane kan long ka lad iohkam ioh jam.
U wei na ki khunsamla ka ri lum jaintia ia uba la tip kyrteng kum u ma Tei Hingh, u la shim ia ka kabu jong ka jing itynnad ka mariang ha ka shnongtrai ka jong u kata ka dei ha ka shnong Nongbah kaba jngai tang kumba 12 km na ka sor Jowai, ha kaba u la shna ia ki iing basa bad ki jaka leh kai ki khynnah, kaba u la ai krteng ka Pulse Eco- Resort.
Hangne la don ki iingbasa, ki jaka leh kai ki khynnah ka pung ban jngi bad ruh ka pung dohkha bad nangta sa ka jingpyngngad ka sawdong sawkun ka mariang kaba pynshoh bieit ia ki nongwankai sha kane ka jaka.
Ia kane ka Pulse Eco- Resort la plie ia ka myn ha kane ka sngi saitjain, 15 tarik da U Bah P S Dkhar DC West jaintia hills District ha ryngkat ka jing iadonlang u ma MS Lahuid Finance Secy JTES, ka kong Phira Lyngdoh ophisar ka tnat shang pyrthei, bad ki paralok ieit mariang u ma Tei.
U DC kum u kongsan u da iaroh ia ka jing itynnad bad ka jingpyngngad ka jaka bad u da kitbok kirwiang ia u ma Tei ba kan iaid bei bad ruh kan long ka kam kaba jop. U DC, u iaroh ia u ma Tei ba dei ma u u riew shimet ba nyngkong ha ri lum Jaintia u ba ialam khmat ia kiwei ban seng ia kum kane ka jaitkam kaba pyniadei paralok bad ka mariang bad kaba wanrah ka jingmyntoi. U da ong shuh shuh ba lada kane ka jaka iaid kai pyngngad, ka iaid iew ka jingmyntoi kam dei tang ia u ma Tei, hynrei kan don ruh ka jingmyntoi ia kiwei bad ruh ia ka shnong ka thaw.
Phi don ban ong eiei?