Pynsangeh shwa ia ka NFSS, ong ka Synjuk ki Rangbah Shnong War Jaintia

Shillong, 7 Lber:
Ka synjuk ki rangbah shnong War jaintia ryngkat bad ki fairprice shop dealers  ha ka jingialang kaba lalong ha ka 3 tarik mynta u bnai ki la iatai sani bha bha halor ka phang ka jong ka National Food Security Act, 2013 khamtam eh ka jingpynrung kyrteng ia ki nongoh bhah bad ki wei kiwei ki mat ba iadei bad kane kaphang,  ha ka jingialang la iakren halor ka jingduna  bad ki jing bymbiang jong ki jing pynrung kyrteng ha kiba bun  ki long iing hapoh ka sub-divisional kiba duna ka ioh ka kot bad kiba ju rung ha ka thup AAY  kim shym la mih kyrteng ha ka thup ki nongioh jingmyntoi.
Ka kyrwoh khubor ba la phah  lyngba u Bah K. Pohshna President Synjuk ki Rangbah Shnong Warjaintia, lah ban pynkynmaw ha u snem ba la dep hadien ba ka ophis jongka SDO (Supply) ka la pyllait ia ka thup kyrteng jong ki nongioh jingmyntoi ba la pynshong nongrim na ka Socio Economic & Census 2011 bad phah sha la ki jong ki jong ki shnong/ Fair Price Dealer  la lap ia kiba bun ki jingduna kiba la kdew haneng bad halor kane ka synjuk ka la lum lang ia ki Rangbah Shnong, secretary, shnong bad FPS dealers bad thoh shithi sha ka ophis bad sha ki bor bahalor halor jong ka jingbymbiangjong ka thup kyrtengbad ruh la dawa ba dei ban ailad  biang ban pynrung kyrteng khnang ban ioh ban kynthup lut ia ki long iing ba dang duna ka ioh ka kot.
Hynrei kaba lyngngoh bad kaba sngewsih ka long  ba ynda haba la sam ia ki card  sha ki long iing ym shyn la sam card satia  sha kito kiba la pynrung kyrteng ba ar,  la sam card tang  sha kito ki long iing kiba paw kyrteng kat kum ka thup ba la pyllait nyngkong kane ka pyni ba ka suply department, ka office u Deputy Comissioner Suply WestJaintia Hills District bad ka Ophis SDO ( supply) Amlarem- Subdivison ki la shukor ia ki paidbah nongshongshnong jong ka Sub-division khynthup ia ka synjuk ki Rangbah Shnong, ki nongkit kam bad ki dealers  kiba pynduh ia ka hok ki nongshong shnong kiba dei hok ban iohhapoh ka National Food Security Act. Kane ka pyni ruh ba kim shym lapyndep hok ia ka kamram kaba la bynshet ia ki ban leh.
Ha kajuh ka por ha ka tei ka jingialang ha ka 3 tarik mynta u bnai la iakren ruh ia ka jingjah kyrteng jong kiba bun jong ki nongioh jingmyntoi ba la rung lypa mynshwa ha ka thup AAY. Kumjuh ruh ki la mih bun ki jingud jingkhnium halor ka jingbymbiang ka thew ka woh nalor kiba bun kiwei pat ki jingduna.
Kumta halor ka nongrim jong kitei ki daw la kyrpad ia ka ophis ban pynsangeh shuwa ia ka jingsam khaw hapoh ka NFSA 2013 khnang ban ioh ia ka jingpynbeit shwa ia ki kynrum kynram ba iadei bad kane ka kam.