La sngi U Blei, yn pdiang ia u relic ha Laitryngew

Shillong, 3 Lber:
Ka Parish Sohra kan sa pdiang ia ka jing wan phai ka relic u Don bosco ha ka sngi u trai 6 tarik Lber 2016,ha  ka ba kin pdiang paid bah ha shnong Laitryngew ha ka por 11baje mynstep ryngkat ki program ba bun ba ka shnong Laitryngew ka la pynkhreh. Hadien kata kan don ka jing  iaid paidbah da ki kali ha duh Sohra bad ban bteng da ka procession na duh gate sohra ha duh ban da poi ha ka shrine u Don Bosco ban pynbud da ka mass bakhuid ha ka por 1baje mynsngi bad kiwei de  ki jingleh burom ki ban bud.
Kum ban shu ia pynkymaw biang  kane ka relic ka la wan ha u Jylliew, 2011 da ka jing ai ei ba bun ba u Donbosco u la leh  kum  kaba ai jingkoit ia I Larisa Khongsit bad ia kiwei kum ia I babu Katekist ka sub-district Laitryngew iba la hab  sangeh na ka kam ha ka tei ka por  bad dei ha miet ba ka relic u Donbosco ka wan poi ba I la ioh biang ia ka jingkoit, bympoi pyrkhat na ka jing shitom ba la ban ia i.
U Parish Priest Fr. Roy Anthony bad ki paid riewngeit ka parish Sohra ki khot ki wer ia baroh ban wan leh riewblei na ka bynta ki jing donkam jongki lyngba ka jing   ia said u Don bosco  ha ka Shrine jong u ha Sohra. Na ka bynta kane ka Parish council ka ai khublei shibun ruh ia I fr. Gervasis (ex parish priest),fr. Provincial bad ia kiwei kiba la pynurlong ia kane ka jing kyrkhu u Blei.