Shillong, 02 Lber: Ka Hills State Peopke Democratic Party (HSPDP) hapoh ka jingialam u President Bah Ardent M Basaiawmoit ka la pynkhreh ban aireng ha baroh san tylli ki konstitwensi ha ka elekshon MDC shiteng samoi 2016.
Haba kren bad u Bah Pyniaid Sing Syiem, MDC ka Sohryngkham ula ong ka seng la pynkhreh ban aireng ha baroh san tylli ki konstitwensi bad ki kyrtong kiba ka seng ka dep pynbna ki long u Bah Hurbert Riang na Nongkrem konstitwensi, kaba long ka konstitwensi ba mihkhmat da u President rangbah ka seng Bah Ardent M Basaiawmoit.
Katba u Bah Brani Wahlang un iakhun na Laban ha jaka u Bah Sanbor Shullai (NCP), Bah Blandingstar Warjri na Mawthadraishan ha jaka u Bah Brol Nongsiej (UDP) bad u C hampion Paliar un iakhun na Rymbrai- Jyrngam konstitwensi ha ka jaka u Bah KP Pangniang (HSPDP).
Ula ong ba na bynta ka Sohiong kin sa iashong pyrkhat bad ki nongialam ban ioh ia u kyrtong ia mon lang ki paidbah.Kum ban shu pynkynmaw ki MDC kiba jop na kine ki konstitwensi ki dei ruh kiba bat ia ka kam MLA, kumta hadien ba ka sorkar ka la pynmih ia ka hukum ban mait kyrteng ia ki nongmihkhmat ba bam ar maloi ki la iehnoh noh ia ka kam MDC bad bat tang ia ka MLA.Kitei ki konstitwensi ki la long thylli noh bad ka long ka jingduh nong kaba khraw ia ki paidbah ka konstitwensi.
Phi don ban ong eiei?