Tuh u samla pule ia ki mobile ha St Edmund

Shillong, 02 Lber:
Uwei u samla pule ka St. Edmund College, Shillong u la shah kem halor ka jingkynnoh ba u la donkti ban tuh ia ki mobile jong ki samla pule jong kane ka kolej hi. U SP ka East Khasi Hills u Bah M Kharkrang u la ong ba u Principal ka kolej, u la pyntip sha ki pulit, ba ki samla pule kane ka kolej ki la pyntip sha u ba ki mobile jongki, ki jah na ki pla jongki ha kolej kaba la buh ia ki ha ka jingsngew lyngngoh.
Hadien ba la pyn long ia ka jingtohkit, ki pulit mynta ka sngi, ki la lap ba u Abhimanu Kr. Rai uba  20 snem na Pynthor umkhrah uba pule hi ha kane ka kolej u donkti ban tuh ia ki mobile jong ki samla pule bad la rah ia u ban pynlong ia ka jingtoh kit ba kham bniah.