5hajar ngut, yn ioh jingmyntoi ki nongrep ka Jylla

Shillong, 16 Jylliew:
5000ngut ki nong rep ha Meghalaya, kin ioh myntoi ha ki lai tylli ki District, da ka buit jingstad ba thymmai jong kane ka juk.
Kitei ki nongrep, kin ioh jingmyntoi, ha kaba kin iakren da ki mobile phone jongki, ia ki riew stad rep bad kitei kin kynthup ia ki nongrep ka Ri Bhoi, East Khasi Hills bad ka West Garo Hills ruh kumjuh.
Ki jingai jingmut halor ki rukom rep bap hang, kum kaba rep shyn rang, rep sohtrun, sying, ki jhur bad kiwei, yn lah ban ioh jingtip, lyngba katei ka jingstad, kaba la sdang naduh ka 8tarik Jylliew 2013.
Ki don mynta 25tylli ki shnong jong ka Ri Bhoi District, kiba la dep jied, katba ha East Khasi Hills, ki don 20tylli ki shnong bad san tylli ha West Garo Hills, la iathuh da U VK Bhatia, uba dei U Project Director jong katei ka kam. La pyntreikam ia katei ka buit, da ka College of Post Graduate Studies, Umiam jong ka Central Agricultural University.
Lyngba ka jingiaid beit jong katei ka projek ha Meghalaya, ka sorkar India, kan sa lah ban nang pyntreikam ia katei ka buit treikam, ha kiwei pat ki bynta jong ka Jylla ruh kumjuh.