Iap ar, ha ka jing aksiden hajan ICAR

Nongpoh, 28 Rymphang:
Ha kawei ka jingjia aksiden ba sngewsih, kaba la jia mynta ka sngi ha u surok Shillong By-Pass, hajan jong ka ICAR, Ri Bhoi District, ha ka por 5.30 baje janmiet, ha kaba ar ngut ki nongshong kali ki la iap hashen bad uwei u la mynsaw jur.
Katkum ka khubor ba la ioh na ki pulit, la ong ba kane ka Maruti Car kaba don ia u No. AS 01BC 0129, kaba thmu ban hiar sha Guahati ka la iatyngkhuh bad ka trok kaba don ia u No.AS 01 S 6675, kaba thmu ban leit sha Jowai, ki la iakynduh noh ia ka jingjia ba sngewsih haba ki la poi hajan jong ka ICAR.
Shuh shuh ki la iathuh, ia uwei pat uba la mynsaw jur la kit noh sha Civil Hospital Shillong da ka 108, haba iadei bad kane ka jingjia na ka liang jong ki pulit kin dang pynlong ia ka jingtohkit ban lap ia kadaw jong ka jingaksiden kaba la wanrah ia ka jingduh noh jong ar ngut ki mynsiem briew.