Pynlip ki pulit 5 tylli ki bom IED ba pynap ha ka skul

Shillong, 28 Rymphang:
Mynta ka sngi ki pulit ki la pynlip san tylli ki Bom IED kaba ki lehnoh ki la buh ha kawei ka Primary Skul ha East Garo Hills,kitei ki bom ki dei kiba la buh ha phyllaw jong ka skul Adugre kaba don haWilliamnagar. Ar tylli na kitei ki Bom ki dei kiba la buh ha kawei ka kamra klas, “U Bom IED uba khia kumba 20 kilo latep hapoh khyndew ha kawei ka kamra klas” ong u GHP Raju,Inspector General of Police.
La lap ruh ia ki bom na phyllaw katei ka skul ,ki dei ki bom kiba la pyndait da ki waiar kaba don battery,ki pulit ki la kem ia ki suba lehnoh kiba la pynap ia utei u bom bad uba la shah kem u dei u nongiarap ka GNLA uba la tip kyrteng kum u Enison Ch. Momin, 34 snem karta uba ju khot sin kum u Vodafone na ka shnong Adugre. Ha kine ki sngi la iohi ba ka GNLA ka la pyntriem khlem sangeh ha ri lum Garo haba tang hapoh 4 sngi ka la buh da ki phew tylli ki bom IED ha kylleng ki jaka ka ri Lum Garo.