Thaw Advisory Committee ban pule ia ki ain

Shillong, 26 Rymphang:
Ka jingialang ka kynhun myntri hynne ka sngi ka la rai ban thaw ia ka Administration Rules and Regulation Revision Advisory Committee ban bishar bad peit bha ia ki ain bad ki rule kiba la shim na ka Assam.
Haduh ban thaw ia ka Meghalaya ha u snem 1972, ka jylla ka don ha ka jingsynshar ka Assam bad hadien ba la ioh ia ka jylla Meghalaya kala shu shim ia ki ain na ka sorkar Assam.
“Hadien ba la ioh ia ka jylla Meghalaya, la shu shim ia ki ain bun bah na Assam bad bun bah mynta kum kine ki ain ki donkam ban pynkylla. Namarkata, ka donkam ban don da ka Komiti ban khlieh da ki ophisar ba la shong thait”, la ong u Myntri Rangbah u Mukul Sangma hadien ba la wai ka jingialang ka kynhun myntri.
Ha kajuh ka por, ka jingialang ka la pdiang ia ka jingkren ban ai da u Lat ka jylla u V. Shanmu ganathan ha ka sngi ba sdang ka dorbar mang tyngka ha ka 4 tarik Lber.
Ha kajuh ka por, ka kynhun myntri ka la pdiang ruh ban thaw ia ka Directorate of Information Technology and Communications (DITC).