Lap ki pulit 30 tylli ki bom IED, ka GNLA ha surok shnong  

Shillong, 25 Rymphang:
Ki pulit ki la lap haduh 30 tylli ki bom IED kiba la pynap da ka seng lehnoh ka GNLA ha kawei na ki surok shnong ha East Garo Hills. Ia kitei ki bom la lap ha ka por ba ki pulit ki la leit ban khynra lehnoh ha Durama Hills ha kaba ka la don ruh ka jingiasiat bad ki dkhot katei ka seng,hynrei ki lehnoh ki laphet krad noh sha khlaw bad ki la ieh ia utei u bom ha surok shnong. Kane ka dei ka sien nyngkong ba ki pulit ki la lap haduh 30 tylli ki bom, ki bor syntiat jong ki pulit ki la suba ba ia kitei ki bom ka GNLA ka la pynap da ka jingiarap jong u nongialam ka ULFA u Drishti Rajkhowa.