Mynta yn iatai khang mynder ki Seng bad U Mukul

Shillong, 25 Rymphang:
U Myntri Rang bah ka jylla u Mukul Sangma u la khot iakren biang bad ki 12 sengbha lang kum ka KSU, FKJGP, HNYF bad kiwei ban pyniaid shakhmat ia ki kam ba la dep iamynjur kham mynshwa ban pyntreikam ia ki kyndon ban tehlakam ia ka jing wan rung ki mynder sha kane ka jylla.
Ka jingiakynduh kan long janmiet ha Secretariat, kaban la kular hi da u Myntri Rangbah kham mynshwa, ban khot jingialang biang shwa ban sdang ka dorbar mang tyngka.
La sngewthuh ba ka sorkar ka la pynkhreh ban pynkylla ia ki kyndon jong ka ain shong iing wai, khaii Benami kiba la dawa da ki sengbhalang naduh kham mynshwa.
Hadien kane, kan sa don ruh ka jingialang jong ka kynhun myntri, kaban shim ia ki rai ba kongsan kiba lah ban pdiang na kane ka jingialang.