Kurup masi 29 tylli bad kyiad ki BSF

Shillong, 25Rymphang:
Ki shipai BSF ka BOP Baldamgiri kaba hap ha South West Khasi Hills district hynnin ka sngi ki la ioh kurup haduh 29 tylli ki masi kiba thmu ban pyniaid tuh sha Bang ladesh da ki nongkhaii tuh.
Ki BSF ki la ong ba ia kitei ki masi la wanrah na ka thain Dubri, Assam da ki nongkhaii tuh ban die sha Bangladesh lyngba ki lynti khappud ka Meghalaya, hynrei da ka jingstet ki shipai BSF kiba ap pahara ha khappud ki la ioh kem ia kitei ki masi katba ki briew ki la lait phet noh hapdeng ka jingdum ka miet.
Kane ka long ka sien banyngkong ba ki BSF ki ioh ban kurup ba bun tam na ki nongkhaii tuh ha katei ka thain.
Ha kawei pat ka jingjia ki BSF ki la ioh kurup 950 bilor ka kyaid phareng na Patharghat, East Khasi Hills district, kiba thmu ban shalan tuh sha sha Bangladesh. Ki nongkhaii tuh  mar iohi ia ki shipai BSF ki la lait phet noh ha ka jingdum ka miet.
Ki BSF ki la pynlong ia ka jingpahara kaba jur ha ki khappud jong ka India bad Bangladesh ban iada ia ki nongkhaii tuh bad kiwei kiwei ki kam pyntriem da ki kynhun lehnoh. Ia kitei ki masi bad kiwei ki tiar ba ioh kurup la aiti noh sha ki bor ba dei peit ban pynlong ia ka jingtohkit ba bniah.