Plie jaka sumar TB ha Jaintia

Shillong,  25 Rymphang:
Ha ka Kyrwoh ba la phah da u Director ka Jaintia Hills Development Society, Bishop House’s Jowai Diocese Lumbih syntu Mihmyntdu u Rev. Phadar Manbha Pakem la ong ba ka Public Health Centre (PHC) Barato kaba la shimti da ka Jaintia Hills Development Society, ka la kmen shibun haba ka la ioh ia ka jaka sumar ha kane ka PHC na ka bynta ki briew kiba pang TB (Tuberclusis).
Shuh shuh ka kyrwoh ka ong ba ka jingioh ia kane ka jaka sumar jingpang TB ha kane ka PHC ka iarap ia ki briew kiba ioh ia kane ka jingpang (TB) Test bad ioh jingsumar ha kane ka PHC.  Ia kane ka jaka Test bad sumar ia kiba pang TB la plie mynta ka sngi (25/2/2016) da u ma Hilarius Dkhar MDC barim ka thain ha ka jingiadon lang ka Dr. Evalinda Laloo District Tuberclusis Officer, Phadar Manbha Pakem Director ka Jaintia Hills Development Society kawei na ki Seng treimon sngewbha , u Phadar John Michel Marboh Asst.Parish Priest ka Parish Khrist Syiem Barato,  ki Rangbah shnong, Secretary shnong ka Barato A,B & C, ki khynnah skul bad ki nongshong shnong jong ka shnong Barato bad ki shnong ba marjan.
U Director jong ka Jaintia Hills Development Society Phadar Manbha Pakem haba kren ha kane ka sngi, u la pynpaw ia ka jingkmen haba la ioh ia kane ka jaka Test bad sumar ia ia ki Nongpang TB bad ha ka juh ka por u pynpaw ka jingsngewnguh ia ki Doctor, ki Nurse bad ia ki paidbah nongshong shnong bad kyntu ia baroh ban iatrei lang khnnang ba kane ka jingioh ia ka jaka Test bad sumar jingpang TB kan long kaba wan rah jingmyntoi ia ki Nongpang TB kiba wan shah Test bad wan shah sumar ha kane ka PHC kaba pyniaid da ka Jaintia Hills Development  Society.