29 tarik, ka jingialang pyndam noh ia ka seng UALA

Shillong, 25 Rymphang:  Ka jingialang ban pyndam noh ia ka seng kieng atiar ka United A’chik Liberation Army (UALA) kan long ha ka 29 tarik Rymphang, 2016 ha madan Dikki Bandi, Dakopgre, Tura ha kaba baroh ki dkhot ka seng UALA kin don ha katei ka sngi ban aiti ryngkat ki tiar ialehkai sha ka sorkar ban don lang u Myntri Rangbah u Dr Mukul Sangma, ka myntri kam pohiing ka kong Roshan Warjri bad kiwei kum ki nongialam niam, ki riew shemphang.
Ka UALA ka la iasoi ia ka jingiateh kular bad ka sorkar ha u 18 tarik Nohprah, 2015. Na ka seng kieng atiar la mihkhmat da u Chairman jongka, u Novembirth Ch Marak ba khot sin kum  u Chiindik  ba la don lang ki heh sorkar kynthup u Myntri Rangbah, ka myntri kam pohiing ha Tura Circuit House.
Ia ki dkhot ka seng la  bthah ba kin leit sha ki pulit ka district ban pynshisha bad ia ki kyrteng bad ki tiar ialehkai jong ka seng, yn phah sha u chairman ka UALA.
Ia ki dkhot ka seng yn sa ai ia ka jinghikai ba kin kylla ka jingim kumba long lem kiwei ban sangeh noh ki kam bymman bad yn hikai ruh ba kin seng kam seng jam ban ieng ha la kijong k kjat lyngba ka jingiarap ka sorkar.