Mynta sdang ka Dorbar KHADC

Shillong, 25 Rymphang:
Ka dorbar jong ka KHADC kan sdang lashai ka sngi ka 26 tarik u rymphang bad katei ka dorbar kan neh haduh hynriew sngi kata haduh ka 1 tarik u Lber,2016. Kumba long myn shuwa la iohi ba ka Dorbar ka KHADC ka ju shong shit bha naba ka liang pyrshah ruh ka ju don bun ngut ki dkhot, hynrei kumba long mynta katei ka Dorbar ka KHADC kan long kaba kynjah naba ki don tang ar ngut kiba don mynta ha ka liang pyrshah kata tang u bah Pyniaid Sing Syiem, MDC ka Sohryngkham bad ka kong Teilinia Thangkhiew MDC ka Mylliem konstitwensi, baroh ar ngut kitei ki dei ki MDC jong ka seng HSPDP.
Katba baroh ki MDC kiba don ha KHADC mynta ki don ha ka liang synshar jong ka PDF.