Phuh ka shad suk mynsiem Nongmynsong

Shillong, 21 Rymphang:
Ka Shad Suk Myn siem ka Seng Khasi Nong mynsong ba la mynta ka sngi ha madan shad ha Urkaliar, ka long kaba da I shongkun bad iphuh bha, da ka jingwan ïuh kjat da ki spah ngut ki nongshad kynthei bad shynrang.
Kane ka Shad Suk Mynsiem ka long kum ka dak ban kyrsiew thiah ïala ki para kur kha ba dang bat dang snoh ha la ka jong ka ñiam tynrai ban ai nguh ïa U Blei Trai Kynrad U Nongbuh.
Ia kane ka shad la wan ban sakhi lang ruh da ki dkhot nongkit kam ka JPK ka Seng Khasi (Kmie) hapoh ka jingïalam u rgh B.S Rumnong, bud sa ki nongïalam jong ka Seng Kynthei bad kiwei kiwei ki pat ki riew paw khmat na ki tnat ka Seng Khasi.
Naka liang u nongïalam jong ka Seng khasi Nong-mynsong u Rgh Skor Jala hadien ba la kut ka jingshad, u la ai khublei kyrpang ïa ki nongïalam ka JPK ka Seng Kmie, nangta ïa ki para kur ki para kha na ki tnat bapher bapher ka Seng Khasi kiba la wan ban sei madan ïala ki nongshad kynthei bad shynrang, kumjuh ruh u la ai khublei kyrpang ïa ki dkhot ka Seng Longkmie bad Seng samla ka Seng Khasi Nong-mynsong kiba la trei shit rhem ban pyniphuh iphieng ia kane ka shad ka kmen mynta ka kynti.
“Naka liang ka Seng Khasi Nongmynsong kam don eiei ban ai kyrpang hynrei tang ka kyntien ban ïa kitbok kitrwiang bad U Blei Trai Kynrad Nongbuh Nongthaw Un theh sei ka kyrkhu ka kyrdoh ïa phi baroh” la ong u Rgh Skor Jala.