Pynshai paidbah ka JHADC halor ka ain Synshar Shnong

Jowai, 10 Rymphang: Mynta ka sngi ka JHADC ha ka jingialang kaba heh bha kaba la pynlong ha District Library Auditorium, Jowai ka la pynshai paidbah halor ka Ain Synshar Shnong bar Elaka ia kaba la tip kum ka “The Jaintia Hills Autonomous District (Establishment of Elaka and Village and Election, Appoin[bteng sla 7] tment, Powers, Functions and Jurisdiction of Dolloi/Sirdar and Waheh Chnong.
Ha kane ka jingpynshai paidbah, la hukum ia baroh ki 18 tylli ki Elaka ki dei ban don ia ka dorbar Elaka kiban ia shim bynta sa baroh kiba la dap ia ka 18 snem.
Ka dorbar Elaka ka dei ban kynthup ia u Chairman, Secretary, Asst. secretary nalor u Treasurer. Ki dkhot bad nongkitkam kim dei ban duna ia ka 10 ngut bad ia ka kam Chairman dei ban bat hi da U Daloi lane Sirdar. Ia ki dkhot dei ban jied na baroh ki shnong ki ban ioh ruh ia ka jingmynjur ka EC ka JHADC.
Ka JHADC ka la batai bniah ia kawei pa kawei ki kyndon jong katei ka ain kaba la ioh ia ka jingmynjur u Lat ka jylla ha ka 23 December, 2015.
Na ka liang ka JHADC ka la kyntu ia ki Dolloi, ki Sirdar bad ruh ia ki Rangbah Shnong ba kin bud  ryntih bad ban pyntreikam ia kane ka ain.
Mynta ka sngi ka JHADC lyngba ka Administrative Department ka la ai sanad ruh sha ki Dolloi bad Sirdar kim bym pat shym la ioh pdiang ia ka Sanad khamtam kito kba dang dep shah jied.
Ha kane ka jingialang jan baroh ki MDC kiba la wan poi bad ia ka jingialang la pyniaid da u Chairman k JHADC. Haba kren ki MEC ki la ai ka jingiaroh ia katei ka Ain Synshar Shnong ka JHADC.